Bilirəm, eşqinin sorağındayam.
Əlçatmaz sevginin qollarındayam.
Həsrətdən dolu bir qərib diyarın,
Uçub viran olmuş daxmasındayam.

Gedənin yüküylə yaşamaq çətin.
Səndən qalan izlər dərindən-dərin,
Eşqimizi yarım qoyan əllərin,
Əlimi bir daha isidən deyil.

Ağla, viran qalan ürəyim ağla.
Ruhuma yaşayan xəyallar bağla,
Çəkdiyim hər ağır yükün adına,
Yenidən yaşayan ümidlər bağla.

Sən nə biləsən nə çəkdim,inan.
Suyu qurumuş bulaqdım,inan.
Ürək də dözərmi sənin dərdinə,
Dözərmi qəminə bu qədər,inan.

Həmin gün qar çox yağırdı,inan.
Həmin gün də çox ağırdı, inan.
Dünyası uçmuş sevgi səsində
O anın insanı yaşamırdı, inan.

Ömrümdə sevinc payıydın, inan.
Məhəbnətin saf üzüydün, inan.
Əzablar içində dara çəkilən,
Səni daha çox sevəndim, inan.